إيهاب محمد مهندس كمبيوتر عاشق تراث مصر يوثق معالمها الأثرية بكاميرا هاتفه

 

فيتشر: أحمد عبد المتعال

رغم أن إيهاب حاصل على بكالوريوس علوم الحاسبات ويعمل في مجال الكمبيوتر والهاردوير إلا إنك حينما تتفحص ألبومات صوره التي يرفعها على حسابة عبر موقع الفيس بوك ستظن من الوهلة الأولى أنه مرشدًا سياحيًا أو يعمل في مجال السياحة أو الآثار، وتظهر صور المناطق التراثية التي يرفعها على مجموعات الفيس بوك المهتمة بالتراث المصري والسياحة مدى حبه وولعه بالمناطق الأثرية المصرية فتعتقد أنه قد تخرج من كلية الآثار أو كلية الآداب قسم التاريخ.

يُسلط إيهاب محمد أنور، 42 عام، الضوء على مواطن جمال المناطق التراثية في مصر، ويقوم بتوثيق التراث الأثري والمعماري الموجود بكل محافظات مصر، من خلال كاميرا هاتفة المحمول والذي صار بمثابة أرشيف للتراث المصري.

اختص إيهاب المتحف المصري الكبير بألبوم مصور مكون من 60 صورة كما أنشا ألبومات أخري للمتحف الفن الإسلامي ومجمع الأديان وشارع المعز ومعبد ابيدوس والمتحف اليوناني الروماني والمتحف القومي للحضارة وقصر الأمير محمد علي ومتاحف قصر عابدين وغيرهم كثير، وتتراوح الصور في هذه الألبومات من 30 صورة وحتى قرابة الـ 200 صورة.

الكثير يصور المناطق الأثرية ولكن قليل منهم من يشعر مثلما يشعر إيهاب حينما يصور صور تُظهر جمال الأثر فيقول: “أنا بكون مبسوط جدا لما صورة الأثر بتطلع كويسه وجميلة زي ما أنا شايفها بعيني كويسة وجميلة ولو الصورة دي ساعدت حد من ال شغالين في مجال السياحة في الترويج لشغله مثلا ببقى مبسوط أكتر لإني قدرت أفيد الناس دي، بصراحة  في كذا حد طلب مني ياخد الصور لشغله سواء شركه سياحه أو دراسة وأنا ساعدتهم وأدتهم الصور عادي لإن هدفي نشر الوعي بالمناطق الأثرية الجميلة الموجودة بمصر.

يقول المهندس إيهاب: “الموضوع ابتدى معايا سنه ٢٠٠٤ لما بدأت أطلع رحلات داخليه لأماكن كتير جوه مصر، في الأول كنت بصور منظر عادي عجبني لكن الموضوع بعد كده أتحول عندي لهواية وبقيت عايز أطلع أحسن ما في المكان بطريقتي وبعد كده لقيت نفسي حابب أفيد الناس بالصور دي وأخليهم يشوفوا قد أيه بلدهم جميله وإن في أماكن كتيرة في مصر رائعة ولازم يزوروها”

وعن الأدوات التي يستخدمها في التصوير يقول إيهاب: “في البداية كنت بصور بكاميرا ديجيتال عاديه وبعد كده كاميرا احترافيه لكن كان بيواجهني مشكلة إن معظم الأماكن بتمنع الدخول بالكاميرا للأسف علشان موضوع السيشن اللي بتحصل حاليا،  فاشتريت موبايل بكاميرا صورها كويسة بحيث أقدر أصور بيها والصور تكون واضحة وجميلة وتقدر تجذب الناس”

ويكمل إيهاب حديثه قائلا: ” أنا بعرض صور المناطق التراثية دب على صفحتي الشخصية وهي متاحه لأي حد أنه يدخل يبص عليها ومؤخرا بقيت بعرض بعض من الصور دي في مجموعات تنشيط السياحة والمهتمة بزيارة الآثار المصرية.

لم ينضم إيهاب للمجموعات المهتمة فقط بالتراث على الفيس بوك بل يقوم بالانضمام لمجموعة أحد أصدقائه المهتمة بتنشيط السياحة ويرجع إيهاب لصديقة هذا الفضل في إنه قام بزيارة معظم الأماكن داخل مصر.

ويضيف إيهاب: “أنا منضم لمجموعات سفر ولمجموعة مهتمة برياضة ركوب الدراجات وبنظم فاعليات تخص الجروب ده وبنزل فيه صور المعالم الأثرية ال بصورها علشان الناس تستفيد وتروح تزور الأماكن دي وبنحاول في الجروب ده  نزور بعض الأماكن الأثرية واحنا بنمارس رياضة ركوب العجل.